|
so:text
|
Quanno nascette Ninno a Bettalemme | era nott' e pareva miezojuorno. | Mai le stelle – lustre e belle | se vedetteno accossì; | e 'a cchiù lucente | jett' a chiammà li Magge all'Uriente. || De pressa se scetajeno l'aucielle | cantanno de 'na forma tutta nova; | pe 'nsi agrille – co li strille | e zompanno 'a cca e da llà: | È nato, è nato, | dicevano, lo Dio che 'nce ha creato. || Co tutto ch'era vierno, Ninno bello, | nascetteno a migliara rose e sciure. | Pe 'nsi 'o ffieno sicco e tuosto | che fuje puosto – sotto a te, | se 'nfigliulette | e de frunnelle e sciure se vestette. || A no paese che se chiamma Ngadde | sciuretteno le bigne e ascette l'uva. | Ninno mio sapuritiello, | rappusciello – d'uva si tu | ca tutt'ammore, | faje doce 'a vocca, e po' 'mbriache 'o core. | No nc'erano nemmice per la terra, | la pecora pasceva c' 'o lione; | co 'a crapette – se vedette | 'o liupardo pazzeà; | l'urzo e 'o vitiello, | e co lo lupo 'n pace 'o pecoriello || || Viene, Suonno, da lo cielo, | viene e adduorme sto Nennillo; | pe pietà, ca è peccerillo; | viene, Suonno, e non tardà. | Gioia bella de sto core | vorria suonno arreventare, | doce doce pe te fare | st'uocchie belle addormentà. || Ma si tu p'essere amato | te si fatto bammeniello, | sulo ammore è 'o sunnariello | che dormire te po' fa. | Ment'è chesto può fa nonna, || Pe te st'arma è arza e bona; | t'amo, t'a... Uh! Sta canzona | già l'ha fatto addobbeà | T'amo, Dio – Bello mio; | t'amo, Gioia, t'a... ) (it) |
