|
so:text
|
... bəzi biliklər hətta hər hansı mümkün təcrübə sahəsini tərk edirlər və təcrübədə heç bir yerdə münasib obyektlə ifadə oluna bilməyən anlayışlar vasitəsilə bizim mühakimələrimizin miqyasını, göründüyü kimi, hər hansı təcrübə sərhədlərindən kənara genişləndirirlər. Duyğular dünyasından kənara çıxan, təcrübənin istiqamət və düzəliş verə bilmədiyi məhz bu sonuncu biliklərdə bizim idrakımızın elə axtarışları yerləşir ki, biz onları vacibliyinə görə daha yüksək və onların son məqsədinə görə mühakimənin fenomenlər sahəsində öyrənə bildiyi hər şeydən daha ali hesab edirik, harda ki, biz hətta səhv etmək təhlükəsi ilə hər şeyə cürət edirik ki, belə mühüm araşdırmalardan hər hansı şübhə və ya lazımsızlıq , laqeydlik səbəbindən imtina etməyək. Təmiz idrakın özünün bu qaçılmaz məsələləri Allah, Azadlıq və Ölümsüzlükdür . Elm, hansının ki, son məqsədi özünün bütün imkanları ilə bu problemləri həll etməyə yönəlmişdir, metafizika adlanır... (tr) |
